Talisay Sports Center padayon pa nga gitrabaho
CEBU, Philippines — Padayon pa nga gitrabaho ang usa sa mga ikapasigarbo nga proyekto ni Mayor Gerald Anthony “Samsam” Gullas, Jr. sa Siyudad sa Talisay.
Kini mao ang duha ka andana nga Talisay Sports Center alang sa mga mahiligon sa paugnat sa kusog.
Gipahibawo ni Gullas nga ipahigayon na unya dinhi ang paghatag og training sa mahiligon sa basketball, futsal, volleyball, badminton, table tennis, taekwondo, karatedo, arnis, boxing, gymnastics, speak takraw, dance sports ug uban pa.
Mohatag usab og training ang sports center sa weight lifting gym alang sa mga atleta.
Matud ni Gullas nga tinguha nila nga maatiman ang mga mahiligon sa paugnat sa kusog diha sa sports center nga nahimutang diha atubangan sa Talisay City Hall.
Gibutyag ni Gullas nga pangandoy niya ang proyekto aron ang mga atleta nga Talisaynon dili na moadto sa lagyo nga lugar alang sa ilang training.
Sayo pa, si Gullas nipahibawo nga buksan nila karong Abril 1 ning tuiga ang skate park sa siyudad. BDB BANAT NEWS
- Latest
