“Im sorry, Im still the mayor”, tubag ni Rama sa midaut sa iyang pamunoan

CEBU, Philippines — Mipadayag si Cebu City Mayor Michael Rama nga bisan kun bukas siya sa mga opinion labot sa iyang liderato apan siya gihapon ang mayor.

Kini ang giluwatan nga pamahayag ni Rama atol sa pakighinabi sa Sugboanon Channel nga gidumala sa Cebu City Government.

Gitubag sab ni Rama ang mga pamahayag sa giilang chairman karon sa Metro Cebu Water District (MCWD) nga si Joey Daluz III nga mipadayag sa iyang interes pagdagan pagka mayor sa piniliay sa 2025.

Sa iyang pamahayag niadtong Miyerkules, nanawagan si Daluz nga “save Cebu from Toxic Mike”. “Mike Rama has now become toxic for Cebu. The opposition against the dancing and singing mayor of singapoorlike Melbourne features must unite to remove "toxic mike",” pamahayag ni Daluz.

“I believe there are more and much better leaders in Cebu who can save Cebu from "Toxic Mike".

"Save Cebu against " Toxic MIKE,” dugang pa ni Daluz.

Apan tubag ni Rama, “But I am sorry, I’m still the mayor... They can describe, anyone who wants to challenge me, they can describe anything, my term will still be up to 2025,”

Dugang ni Rama, naghinamhinam na siya nga makita kung kinsa ang mga managan pagka mayor sa sunod pinili-ay ug ang mga pormal nang mosumitir og Certificates of Candidacy (COC).

“They all are worthy opponents…kana kung inig file sa COMELEC dawaton ba,” dugang ni Rama. — MEL BANAT NEWS