P32.3 milyong infrastructure project sa San Francisco giinugurahan

CEBU, Philippines — Ang kagamhanan sa Probinsiya sa Sugbo nag-inugura sa P32.3 milyones nga infrastructure projects sa Lungsod sa San Francisco, Isla sa Camotes kini human sa Lungsod sa Pilar.

Ang maong kantidad gibahin kini sa tulo ka nagkalain-laing proyekto diin kasagaran niini road concreting ug improvement project.

Ang Kapitolyo nipagawas kini og P16.26 milyones nga pundo alang sa pagkonkreto ug improvement sa 760-meter section sa Teguis-San Francisco road.

Base sa taho sa Sugbo News nga ang maong road section nahimutang sa sentro sa lungsod, usa ka dakong dalan nga nagdugtong sa Lungsod sa San Francisco ngadto sa ubang bahin sa Isla sa Camotes.

Si Gobernador Gwendolyn Garcia ang nangulo sa inugurasyon sa bag-ong nakompleto nga road project uban ni San Francisco Mayor Al Arquillano, Poro Mayor Gary Rama, Bokal Red Duterte ug Bokal Stanley Caminero ug ubang pang lokal nga opisyales.

Gawas niini, duha ka bag-ong 1-barrel concrete box culverts ang giinugurahan usab diin ang maong poryekto nikabat ngadto sa P12.13 milyones.

Ang nahibilin nga P4 milyones sa kinatibuk-ang budget ang gigahin alang sa renovation sa public toilets sa San       Francisco.

Ang public toilets gilangkuban diha sa municipal gymnasium, public market, Baywalk ug Lake Danao.

Ang maong public toilets dili lang mga residente sa lugar ang mogamit niini lakip na ang mga turista ilabi na nga ang Lungsod sa San Francisco kanunay kining bisitahon sa mga turista tungod sa tourist spots sa lugar. —Gikan sa The Freeman, BDB BANAT NEWS