30 mil na ang nagparehistro-Comelec
CEBU, Philippines — Dili mominos sa 30 mil ka mga tawo ang nagparehistro sa unang semana sa pagbalik sa pagpangrehistro sa mga botante sa Commission on Election Central Visayas.
Kini ang gibutyag ni Omar Sharif Mamalinta, ang election officer sa Dakbayan sa Carcar ug kasamtangan nga tigpamaba sa Comelec-7.
Matud pa ni Mamalinta ang registration gisugdan kini niadtong Pebrero 12 nga gitawag og National Registration Day hangtud niadtong adlaw Sabado Pebrero 17 nakatala sila og 29,147 nga nagparehistro.
Sumala pa ni Mamalinta, sa 29, 147 nga nagparehistro 14,580 niini mga lalaki ug 14,567 kay babaye.
Gitug-an ni Mamalinta nga magpadayon ang ilang pagpanawat sa magparehistro, magpa-usab sa ilang apelyido o change of bararangay hangtud sa September 30, hinungdan giawhag nila ang katawhan nga dili na paabuton ang pagtak-op na sa pagpanawat sa registration una maghugop sa buhatan sa Comelec.
Gibutyag ni Mamalinta, sa higayon nga magmingaw na unya ang mga buhatan sa Comelec mopahigayon usab sila og registration diha sa mga malls ug sa mga hilit nga dapit aron ang tanan makaparehistro aron makabotar sa sunod nga tuig nga elections sa buwan sa Mayo 2025.
Si Mamalinta, nitug-an ang mga nagkadaiyang buhatan sa Comelec adunay lain-lain nga mga pakulo aron maagni ang mga tawo sa pagparehistro, kini sama sa paghatag og mga buwak, chocolates, libreng check-up ug uban pa. (BANAT NEWS)
- Latest
