^

Banat Balita

Lain-laing gimik sa Valentine`s Day gihimo sa mga otoridad

Decemay P. Padilla, Romeo T. Limpangog - Banat

CEBU, Philippines — Nihimo og mga gimik ang nagkalain-laing law enforcement agencies sa ilang pagsaulog sa Valentine's Day kagahapong adlawa, Pebrero 14, 2024.  Ang Highway Patrol Group (HPG)-7 sayo sa buntag namara sa mga motorista ug PUJ drivers diha sa may Barangay Pajo, siyudad sa Lapu-Lapu.

Dunay pipila ka motorista ug PUJ drivers nga nakitaan og violations apan inay citation tickets ang ipanghatag, gitunolan sila og lima ka kilong bugas, bag-ong butane stove, imnonon, ingon man buwak alang sa magtiayon ug jersey.  Giabagan ang HPG-7 sa Local Government Unit sa dakbayan sa Lapu-Lapu.

Samtang, ang Cebu City Police Office (CCPO) nanghatag sab og buwak sa senior citizens, persons with disabilities, turista mapa lokal man o langyaw ug uban pa.

Si CCPO Director Colonel Irene Dalogdog nangulo sa paghatag og buwak sa mga tawo diha sa may Magellan's Cross.

Gani ang usa sa nahatagan nila og buwak nga si Sarah Cabrera nga taga Davao ug nagbakasyon lang sa Sugbo nakaingon og "Sana all".  Duna say manindahay og kandila ang niingon nga maypa si Col. Dalogdog nakahinumdom nga hatagan siya og buwak apan ang ilang bana wala.

"Ang tao bisan og unsa nimo ka kwartahan, unsa nimo ka adunahan pero og wala gani ang gugma dili gyud kompleto", mensahe nga gipaabot ni Col.Dalogdog ngadto sa katawhan.

Gipasalig sab sa kapolisan nga padayon ang ilang pagmentinar sa kahapsay ug kalinaw sa siyudad sa Sugbo.

Subay sa pagsaulog sa adlaw sa kasing-kasing ang Cebu City Fire Station pinangulohan ni Superintendent Reynaldo Enoc, Fire Marshal, nihimo og mangrove tree planting sayo sa buntag kagahapon didto sa South Road Properties.

Samtang gisaulog sa kapolisan sa Lapu-Lapu City Police Office (LCPO) nga gipangulohan ni Police Colonel Elmer Lim ang Valentine"s Day pinaagi sa pagpanghatag og pongpong sa mga buwak ug chocolate ngadto sa kauban nilang mga babayeng polis sa LCPO Headquarters.

Si Police Colonel Lim miingon kini ilang gihimo isip pagpadayag sa ilang pagdayeg ngadto sa mga tawo nga nalambigit kanila isip mga higala, sakop sa ilang pamilya o kauban sa trabaho.

Samtang ang kagamhanan sa Siyudad sa Lapu-Lapu pinaagi sa City Social Welfare and Development Office (CSWDO) ug City Health Office gisaulog usab ang Valentine's Day pinaagi sa pagtanyag og libreng pagpanupi, libreng serbisyo sama sa HIV testing ug pagpangahatag og libreng condom. (BANAT NEWS)

vuukle comment

VALENTINE`S DAY

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with