Duha ka topnotcher sa Talisay nakadawat og tabang pinansyal
CEBU, Philippines — Duha ka Talisaynon nga nahimong topnotcher sa ilang mga kurso ang gihatagan og pinansyal nga ayuda sa kagamhanan sa dakbayan sa Talisay.
Si Franceska Therese Fanilag nahiluna sa ikaupat nga pwesto sa Professional Teacher Licensure Examination sa 2023.
Samtang si Emmanuel Sarona naa sa ika napu nga pwesto alang sa Customs Broker Licensure Examination sa miaging tuig.
Si konsehal Eduardo “Digul” Gullas III, chairman sa committee on Education nipaabot sa iyang pahalipay sa duha ka topnotchers ug sa tanan nga nakapasar.
Sa nasayran si Gullas maoy nangamahan sa ordinansa sa paghatag og ayuda pinansyal sa mga Talisaynon nga board passer ug topnotchers.
Usa kini ka paagi aron madasig sila sa pagpaninguha pa nga sila makapasar ug makalisensya sa ilang mga propesyon.
Base sa ordinansa, ang topnotcher makadawat tag P10mil samtang ang board passers makadawat og P5mil.
Ang duha ka topnotchers midawat sa ayuda diha sa buhatan ni Talisay City mayor Gerald Anthony “Samsam” Gullas. (BANAT NEWS)
- Latest