Mandaue mipadagan og rota sa bus paingon sa SRP

CEBU, Philippines — Gihatagan og kasayon ang mga molopyo sa kabarangayan sa siyudad sa Mandaue nga nagtinguha sa pagtan-aw sa Sinulog Grand Parade nga pagahimoon karong adlawa Domingo Enero 21, 2024

Kini gumikan kay ang kagamhanan sa dakbayan nagpadagan og mga modern buses alang niadtong nagtinguha sa pagsaksi sa kalihukan.

Si Hyll Retuya nga maoy pangulo sa legal division sa Traffic Enforcement Agency and Management (TEAM) miingon nga ang mga modern buses adunay ilang tagsa-tagsa ka mga rota gikan sa Parkmall ug mga Bus Stops sa Barangay Paknaan, Canduman ug Jagobiao paingon SM Seaside sa SRP ug kini magbalikbalik lamang sa maong rota karong adlawa.

Dugang pa ni Retuya nga ang mga buses adunay gihatag nga special permit ang Land Transportation Franchising and Regulatory Board (LTFRB) 7 nga misanong usab sa ilang hangyo. (BANAT NEWS)