Mga konsumidor sa Visayan Electric makasinati og usbaw sa kuryente

CEBU, Philippines — Makasinati og pag-usbaw nga P0.19/kWh ang mga konsumidor sa Visayan Electric alang sa bayranan nila sa kuryente gikan niining buwan sa Enero hangtud sa Pebrero.

Ang pagsaka sa  bayranan naggumikan sa pag-usbaw sa generation rates sa  Wholesale Electricity Spot Market (WESM) ug sa  transmission charges sa  National Grid Corporation of the Philippines (NGCP).

Ug tungod niini, ang P11.43/kWh average residential electricity rate niadtong Disyembre 2023 mahimo na kini nga P11.62/kWh.

Ang panimalay nga makagamit og minimum nga 200kWh matag buwan

gipaabot nga makabaton og additional charge nga P38.00 gikan sa buwan sa Enero hangtud sa Pebrero nga bayranan.

Giawhag sa Visayan Electric ang ilang mga konsumidor nga kanunayon ang pagdaginot sa paggamit og kuryente ilabi na sa mga nag-init nga temperatura

karing panahona.

Motaas ang konsumo sa kuryente ilabi na kong kanunay ang paggamit sa cooling appliances. (BANAT NEWS)