CEBU, Philippines — Mopasiugda ang kagamhanan sa siyudad sa Mandaue ug ang Medical Association of Mechigan kauban sa University of Cebu Medical Center (UCMED) ug libreng kunsultasyon sa panglawas ug uban pa nga mga serbisyo.
Himoon kini sa Disyembre 17, 2023 ug lakip sa mga serbisyo nga libre alang sa mga Mandauehanon mao ang surgical screening. Libre usab nga konsultasyon sa mga adunay gipamati nga mga sintomas sama sa Gynecology Cases, abnormal nga pagregla, dunay myoma o bugon sa matres ingon man kadtong nagtinguha nga mabuntis ug uban pa.
Apil na usab ang mga kaso sa clubfoot o hiwi nga tiil sa bata, Upper and lower extremity tumor, Back Tumor- bukol sa mga bukton, paa, tiil ug bukobuko, Arthritis ug deformed extremities - hand arthritis ug deformed knee arthritis. — MEL (BANATNEWS)