Financial assistance gitunol ni VP Duterte
CEBU, Philippines — Sobra dos mil ka mga Nagahanon ang gihatagan og sayong pinaskohan gikan ni Bise Presidente Sara Duterte kagahapon sa pagpanguna niya sa distribusyon sa financial assistance ug mga gift packs. Unang giduaw ni Duterte angTuyan Elementary School diin iyang gitunolan sa financial assistance ug gift packs ang mga senior citizen, kababayen-an ug public utility drivers nga nagpaabot kaniya.
Dunay 400 ka benepisaryo sa TUPAD o Tulong Panghanapbuhay sa Ating Disadvantaged/Displaced Workers Program ubos sa Department of Labor and Employment (DOLE) nga nakadawat sa ilang tag P4,300.
Ang TUPAD usa ka programa sa gobiyerno nga naghatag og ginagmay nga trabaho isip emergency employment para niadtong nawad-an og trabaho sud sa dili momenus napulo ka adlaw apan kinahanglang di molapas og 30 ka adlaw.
Samtang ang mga drayber mga benepisaryo sa Assistance to Individuals in Crisis Situation ubos sa Department of Social Welfare and Development nga tabang para niadtong mga pamilyang nakasinati og kalisdanan tungod sa krisis, sakit, nawad-an og trabaho ug uban pa.
Nakadawat sab ang mga 1,340 ka benepisaryo nga PWDs ug mga sakop sa LGBTQIA community.
Si Naga City Mayor Valdemar Chiong nagpasalamat sa bise presidente nga nitabang kini sa ilang lugar. — IBM (BANATNEWS)
- Latest