P9 milyong drugas nasakmit sa usa ka adlaw nga SACLEO
CEBU, Philippines — Niabot ngadto sa dul-an sa P9 milyones nga balor sa ginadili drugas ang nasakmit sa usa ka adlaw nga operasyon kontra ilegal nga drugas sa tanang ginsakopan sa Police Regional Office Central Visayas gikan sa Nobiyembre 30 hangtud kagahapon Disyembre 1, 2023.
Ang nasakmit nga ginadaling drugas nitimbang og 1,261.22 gramos nga adunay estimated value P8,576,296 ug 67 ka mga tawo ang nasikop.
Samtang 45 ang nadakpan nga mga wanted persons diin duha niini most wanted ug 43 ang other wanted person.
Sa kampanya batok loose firearms dunay 66 ka operasyon silang gilusad ug niresulta sa pagkasakmit o pagtahan sa 76 ka mga klase-klaseng armas, upat ka tawo ang napasakaan og kaso. Sa illegal nga sugal adunay 55 ka operations nga gihimo ug 75 ang nadakpan, P10,509 nga pusta ang nasakmit samtang 55 ang napasakaan og kaso.
Duna say 2,456 nga malapason sa local ordinances nga gipamulta nga moabot tanan og P1,263,376. (BANAT NEWS)
- Latest
