^

Banat Balita

Mga suspek sa tulis gikasohan

Decemay Padilla, Rowena Capistrano - Banat

CEBU, Philippines — Gipresentar na sa kapolisan o gipaubos sa inquest proceedings ngadto sa Piskalya ang gitumbok nga mastermind sa Oro Sugbu Pawnshop and Jewelry Store nga si Jigger Geverola kagahapong adlawa.

Si Geverola maoy gitumbok nga mastermind sa maong pagpanulis. Apil sab gipresentar mao sila si Dann Carlo Flores ug Jordan Baquiano, ang mga lalaking nadakpan atol sa checkpoint sa Sibonga nga giingong may kalambigitan sa maong tulis.

Sila si Flores ug  Baquiano ang sakay sa puwa nga Sedan Honda Civic nga giingong maoy gigamit nga getaway vehicle sa mga tulisan adtong Sabado, Nobiyembre 25, 2023 human gitulis ang maong prendahanan. Ang maong sakyanan nga giluwanan sa duha na-intercept sa checkpoint sa kapulisan sa Barangay Lamacan, Lungsod sa Sibonga.

Base sa extrajudicial confession nila Flores ug Baquiano, pareho nilang gitudlo si Geverola nga maoy nagsugo kanila nga dad-on ang puwang sakyanan sa bukirang Barangay sa Lungsod sa Argao.

Gawas nila, nadakpan sab si Jerum Cambarijan Davin, 37, taga Sitio Magkabayo, Brgy.  Capio-an, Argao kinsa giingong kauban sa grupo. Atol sa pag-serve sa search warrant sa balay niini dunay nakuhang .45 pistol ug mga bala ingon manb  Philippine Army  long-sleeved shirt.

Dunay testigos nga nakatudlo nga si Davin mao kadtong nisaka sa estante sa Oro Sugbu ug nanguha sa mga alahas.

Aduna pay uban nga gidudahang kauban sa grupo nga gipangita pa gihapon sa kapolisan atol ning pagsuwat sa balita.

Taliwa sa mga krimeng nahitabo sa dakbayan sa nanglabay nga mga semana, dako gihapon ang pagsalig sa Cebu City Government ngadto kapulisan sa siyudad sumala pa ni Vice Mayor Raymond Alvin Garcia.

Dugang armas

Si Garcia nga acting mayor karon maoy dinapit nga bisita sa Cebu City Police Office sa blessing ug turnover sa Cebu City Police Office Indoor Firing Range kagahapon sa buntag.  Sigon ni Garcia nagpakita gyud siya sa CCPO aron personal silang dayegon sa daling aksyon bahin sa kaso sa pagtulis sa Oro Sugbu diha sa dalan Colon sa nakalabay nga adlaw nga Sabado.

Nadakpan dayon sa kapolisan ang pipila sa mga tulisan ug apil ang gipasanginlang ilang mastermind.

Si Garcia miingong naa kanunay ang suporta sa siyudad ngadto sa CCPO ug natagbaw siya sa ilang performance apan gusto niyang dili mohunong ang kapulisan sa pagpalambo sa ilang trabaho.

Kinahanglan padayong gihapon atong vigilance, hard work especially criminality knows no vacation, knows no time, anytime of the day it can happen mas mahitabo man gani ni sa gabii ug sa kaadlawon,  sigon ni Garcia.

Gawas sa pagtugyan sa CCPO indoor firing range nidonar sab ang siyudad sa Sugbo og 56 ka basic assault rifles ug upat ka sniper rifles sa CCPO.

Local ug dayo

Si Police Lieutenant Colonel Gerard Ace Pelare, tigpamaba sa Police Regional Office (PRO)-7 masaligon nga ang dunay lig-ong ebidensiya ang CCPO aron masang-at ang kaso batok sa mga suspek.

I believe Cebu City Police Office obtained extrajudicial confessions also naay pieces of evidence nga nakuha and some of the suspects actually during the operations naay nakuha nila nga firearms and explosives so aside from the robbery naa sad sila y atubangon nga kaso,  sigon ni Pelare.

Nakig-alayon na ang PRO-7 sa ilang mga kaubanan sa Mindanao bahin sa posibilidad nga ang mga nanulis sa Oro Sugbo konektado og dagkong robbery groups sa Mindanao sanglit dunay pagpanulis sa usa ka tindahan og alahas didto sa Cagayan De Oro City nga pareho og estilo sa mga nanulis dinhi.

It appears that this is done by a mixture of local players or local boys as we call them ug naa say kadtong gi-import, we are now trying to identify kinsa tong mga tawhana nangari diri which were utilize during the robbery incident,  ni Pelare pa.

Gipasalig sab sa PRO-7 nga hapsay ug luwas gihapon ang Central Visayas ug isolated case lang kini. Iyaha sab gipasabot ni Pelare nga well-organized group ang naghimo niadto maong nakabinta ang grupo.

Lig-ong kaso

Si Mayor Michael Rama sa Dakbayan sa Sugbo sa iyang bahin gusto nga lig-on ang kasong ipasaka batok sa mga nadakpan . Si Rama kinsa usa ka abogado miingon nga  kinahanglang makabarog gyud sa korte ang mga ebidensiya ug testimonya.

Nagpangutana sab karon si Rama kun hain na ang mga alahas. Ang wala pa gihapon matinong gidaghanon sa mga alahas maoy makapalig-on sa kaso kun kini mabawi  kay kini makonsiderar nga  corpus delicti  o  body of crime. (BANAT NEWS)

vuukle comment

ROBBERY

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with