Mastermind sa tulis sa ahensiya nasikop sa kapolisan

CEBU, Philippines —  Nasikop sa Cebu City Police Office ang giingong mastermind sa pagpanulis sa Oro  Sugbo Pawnshop and Jewelry Store diha sa dalan Colon, Barangay Kalubihan,

Dakbayan sa Sugbo niadtong Sabado sa buntag.

Si Jigger Geverola, hingkod ang panuigon, residente sa Barangay Gutlang, Lungsod

sa Argao ang anaa karon sa kustodiya sa CCPO.

Si Police Colonel Ireneo Dalogdog, direktor sa Cebu City Police Office ang

nangunay sa pagdakop kang Geverola kini human nga siya maoy gitudlo nila ni Dann

Carlo Flores ug Jordan Baquino nga nagsugo kanila nga kuhaon ang puwa nga

sakyanan nga gigamit sa mga suspetsado isip usa sa mga getaway vehicle aron

dad-on sa bukirang dapit sa Lungsod sa Argao.

Gikataho nga dihang nahitabo ang pagpanulis sa nahisgutang ahensiya giingong si

Geverola anaa diha sa International Eucharistic Congress nag-feeding program.

Ang kapolisan nagkanayon nga ang magplano sa usa ka krimen diha ra kini kutob ug

lain na ang mohimo sa trabaho.

Samtang nadakpan usab pinasikad sa search warrant si Jerum Cambarijan Davin,

37, molupyo sa Sitio Magkabayo, Barangay Capio-an, Lungsod sa Argao niadtong

Martes sa gabii.

Ang Provincial Intelligence Unit sa Cebu Police Provincial Office ang niimplementar

sa search warrant batok kang Davin nga giluwatan ni Regional Trial Court (RTC)

Judge Noel Darren Damian sa Branch 26 sa Lungsod sa Argao.

Nasakmit sa kapolisan gikan kang Davin ang usa ka kalibre .45 pistola nga adunay

pito ka bala, usa ka granada, long sleeve nga iyaha sa Philippine Army ug uban pa.

Positibong gitudlo si Davin sa mga saksi nga maoy nilayat sa estante ug nanguha sa

mga alahas apan gihimakak sa suspetsado ang maong pasangil.

Nahibaw-an nga si Flores pag-umangkon ni Geverola ug tawo usab niya si Baquino

ug gani giingong gitabangan kini ni Geverola dihang nakapusil niadtong adlaw’ng

Biyernes sa niaging semana pinaagi sa pagbisita sa biktima sa tambalanan ug

hatagan og suporta aron lang makombinsir ang tagtungod sa biktima nga dili

mapasakaan og kaso si Baquino.

Matud ni Dalogdog dihang gihimo ang pagpanulis sa Oro Sugbo gitawagan dayon sa

tulisan ang ilang kauban nga nagmotorsiklo diin makita sa footage sa closed circuit

television ang duha ka motorsiklo nga nag-convoy nga tag tulo ang sakay.

Ug gumikan sa backtracking sa CCTV footage nakita nga ang sakay sa kataposang

motorsiklo nagdala og bag nga possibleng maoy gisudlan sa long firearms ug

kinawat nga mga alahas nga nisakay sa getaway vehicle.

Nagpadayon ang backtracking sa kapolisan sa CCTV hinungdan nga nasuta nila ang

puwa nga sakyanan gi-park sa usa ka mall sa Jai-alai, Barangay Mambaling.

Nahibaw-an sa kapolisan nga ang nagkuha sa puwa nga sakyana nga gi-park sa usa

ka mall diha sa Mambaling usa ka tawo nga posibleng nalambigit sa pagpanulis og

tindahan og alahas sa Cagayan De Oro City niadtong Agosto 2, 2023.

Nakonektar sa CCPO nga ang mga nanulis didto sa CDO adunay tulo ka local

contact dinhi sa Cebu kini mao sila si Norman Lopez Manuel nga nadakpan sa

Mandaue City Police Office,  Geverola ug usa ka personality nga subject pa sa

operasyon sa kapolisan.

Gipahibawo usab ni Dalogdog nga nasubay sa CCPO ang ngalan sa tag-iya sa

Honda Civic dihang gi-verify sa kapolisan sa Barangay Site Capitol Site diin dili kini

registered voter sa dapit.

Ug gisubay usab nila ang address niini didto sa Surigao City ug nahibaw-an nga tag-

iya kini og mining company.

Ang tag-iya sa sakyanan adunay condominium diha I.T Park ug dihang giadto sa

CCPO nahibaw-an nga dugay na nga wala kini nagpuyo didto.