CEBU, Philippines — Magsugod na niining tuiga ang kagamhanan sa Siyudad sa Mandaue sa pagbalhin sa mga biktima sa sunog nga temporaryo nga gipapuyo diha sa sulod sa compound Cebu International Convention Center (CICC).
Si Mandaue City Mayor Jonas Cortes nibutyag ngadto sa mga tigbalita nga ilang gihangop ang kalamboan diin ang hunta probinsiyal nipalabang og resolusyon nga nagtugot alang sa pag-demolish na sa CICC.
Matud ni Cortes nga bisan sa wala pa mapasar sa ang board resolution nga nagtugot sa pag-demolish sa maong edipisyo aduna na sila’y mga pagtuki nga gihimo ni Gobernador Gwedolyn kalabot sa CICC.
Gibutyag ni Cortes nga ang goberador nihatag na og pagugot alang sa pag-demlolish sa CICC tungod kay napanglantawan usab niini nga ang siyudad nagkinahanglan na og dako ug hamugaway nga buhatan sa kagmhanan.
Nasayran nga gitinguha karon ni Cortes ang pgtukod og edipisyo sa kagamhanan nga tawagon og “one –stop-shop government center” nga nahimutang diha sa sulod sa CICC compound.
Nalakip sa ilang plano sa kagamahanan sa siyudad ang pagpanghuwam og P3 bilyones nga kwarta sa bangko nga maoy gamiton alang sa pagtukod og bag-ong edipisyo nga government center sa Siyudad sa Mandaue
Dugang ni Cortes nga posibleng ilang sugdan na sa pagpamalhin ang mga residente nga temporaryo karon nga nagpuyo diha sa compound sa CICC. —/BDB (BANAT NEWS)