Bag-ong graduate, sikop sa buybust
CEBU, Philippines — Gidemalas, imbes trabaho sa prisohan na hinuon ang padulngan sa bag-ong gradwar sa kolehiyo human kini nadakpan tungod sa pagpamaligya og ilegal nga drugas Lunes sa gabii sa Sitio Mayupay sa Barangay Quiot sa Dakbayan sa Sugbu.
Nasakmit sa maong operasyon ang balor P340 mil nga gituohang shabu gikan ni John Brian Baydal Rabe, 25, atol sa buybust operation nga gipahigayon sa Regional Police Drug Enforcement Unit sa (RPDEU PRO) 7.
Si Rabe kinsa taga Sitio Nangka sa maong barangay gikatahong bag-o lang gyud nakagradwar sa kursong sa Information Technology ( IT) niadtong Hunyo 24,2923.
Giangkon hinuon matud pa ni Rabe, nga duha palang siya ka bulan misulod sa illegal nga negusyo nga girekomendar siya sa ilang silingan kaniadto nga gihinganlan ug Bobby.
Girekomendar siya aron sa paghatud sa ilegal nga drugas, ug tungod kay naningahanglan siya og kwarta nisugot siya aron makabayad sa iyang bayronon sa eskuylahan.
Dugang pa ni Rabe gikatahong mitug-an sa kapolisan nga bayran siya og P1,000 kada 25 gramos nga iyang mahatud. Matud niya teksan ra siya ug mandaran kung asa kuhaon ug kun asa niya ihatud.
Atol sa sa buybust operation ang Operatiba sa RPDEU nakarekober og mga putos sa gituohang shabu nga motimbang og 50 gramos gikan sa posisyon ni Rabe nga gisulod sa itom nga belt bag.
Ang dinakpan kasamtangan gibalhog sa Detaintion Facity sa RPDEU pasakaan og kasong kalapasan sa Sec.5 ug Sec 11 Art.ll RA 9165. IBM (BANATNEWS)
- Latest
