^

Banat Balita

LGUs midayeg sa natampo sa mga mamumuo atol sa Labor Day

Decemay P. Padilla - Banat

CEBU, Philippines — Nagkalain-laing kalihokan ang gihimo sa pagsaulog sa Labor Day kagahapong adlawa, Mayo Uno. Sa Mandaue City, usa ka caravan nga nanukad sa City Hall ang gihimo nga gitapos sa Hoops Dome sa Barangay Gun-ob sa Siyudad sa Lapulapu.

Gihimo  ang maong caravan  alang sa pagpakita sa hugot nga suporta sa  kagamhanan ngadto  sa mga mamumuo sa ika- 121 nga pagsaulog sa Labor Day.

Mitambong sa maong kalihokan sila si Cebu City Mayor Michael Rama, Mayor Junard “Ahong” Chan ug mipadala og representante si Mayor Jonas Cortes sa Mandaue.

Ang Mandaue City-Tripartite Industrial Peace Council "MC-TIPC" ang nagsilbing tigpaminaw ug pahungawan sa mga  yangungo sa mga mamumuo bahin sa ilang gitrabahoang mga kompanya, mga tagdumala ug bisan sa sektor sa gobiyerno.

Ilang gituki ang mga kaangayan ug kahapsay may labot ang katungod sa mga trabahante.

Hinuon, gikonsiderar sa Mandaue City nga hapsay, malinawon ug ang gugma sa panarbaho sa mga trabahante maoy yawe sa kalambuan sa ekonomiya.

Si City Councilor Maline Cortes-Zafra maoy nagrepresentar ni Mayor Cortes nipadayag sa iyang mensahe sa pagsaludo sa natampo nga kalamboan sa mga mamumuo.

Matud pa niya hugot ang suporta sa kagamhanan sa Mandaue City sa paghatag og oportunidad sa matag Mandauehanong mamumuo.

Sa laing bahin, ang Lungsod sa Cordova mihimo sab og public service caravan pinangulohan ni Mayor Cesar "Didoy" Suan  diha sa Barangay  Buagsong.

Naglakip sa mga serbisyo mao ang  medical checkup sa mga molupyo nga gipasiugdahan sa municipal health office.

Si Suan miingon nga tumong sa caravan mao ang pagpaduol sa sebisyo  sa kagamhanan ngadto sa katawhan nga ilang gialagaran.

Lihok protesta

Sa pikas bahin, gihulagway nga malinawon ug hapsay nga natapos ang mga kalihukan nga gipahigayon kagahapon sa buntag sa mga labor groups matud pa ni Police Lt. Col. Gerard Ace Pelare, tigpama ni Police Regional Office Office (PRO)-7 Director Brigadier General Anthony Aberin dihang nahinabi sa mga tigbalita.

Matud ni Pelare ang mga cause-oriented groups nga nagpahigayon lihok-protesta igo ra mipadayag sa ilang mga sentimiyento ug wala hinuon sila mohimo og kagubot.

Umento sa suholan, pagpaubos sa presyo sa mga nag-unang palaliton, pagwagtang sa red tagging sa mga unyon ingon man sa kontraktwalisasyon pipila lang kini sa mga panawagan sa nagkalain-laing labor groups.

Matud ni Jaime Paglinawan, Chairperson sa BAYAN Central Visayas nga angayan na aprubahan ang P750 nga umento sa suholan sa Central Visayas kay dili na paigo ang kasamtangan karon nga minimum wage gumikan sa padayon nga pagsaka sa presyo sa nag-unang palaliton. — Romeo T. Limpangog (BANAT NEWS)

vuukle comment

LABOR DAY

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with