^

Banat Balita

Suspek sa hazing nailhan na

Decemay P. Padilla - Banat
Suspek sa hazing nailhan na
Ang kapulisan wala una mobutyag sa mga pangalan sa giingong mga suspek. Si Police Lt. Col. Ma. Theresa Macatangay, tigpamaba sa Cebu City Police Office nga mga miyembro sa Tau Gamma Phi ang mga suspetsado.
STAR/File

CEBU, Philippines — Nailhan na sa Cebu City Police Office ang lima ka suspek sa matud pa hazing atol sa initiation rites nga gikamatay sa 20-anyos nga tinun-an sa marine engineering  sa University of Cebu – METC.

Ang kapulisan wala una mobutyag sa mga pangalan sa giingong mga suspek. Si Police Lt. Col. Ma. Theresa Macatangay, tigpamaba sa Cebu City Police Office nga mga miyembro sa Tau Gamma Phi ang mga suspetsado.

Ang kapolisan duna nay “person of interest” nga giingong maoy mi-recruit sa biktimang si Ronnel Baguio.

“Hopefully sila mokooperar sab sa imbestigasyon ang mao nga grupo, I believe each group has a creed nga ilahang gisunod so ari nato makita kung kaning grupoha, kani nga brotherhood nga gitawag, are indeed true to their creed and they would help us identify the other suspects if there are suspects, other attendees,” ni Macatangay pa.

Gibutyag ni Macatangay nga ang ilang witness, maestro ug kadtong taga Negros Oriental nga kadungan sa biktima nga naka-survive.

Nasayran nga ang nga suspects gilangkuban sa master initiator ug dunay mga estudyante nga mga miyembro na sa maong grupo. Matud pa gidala sa usa ka kapilya ug gi-blindfold ang mga recruits.

Mag-atubang og kasong murder ug kalapasan sa Anti-Hazing Law ang tanang nalambigit sa maong krimen. Ang CCPO mipasalig nga ila kining ipasaka bisag wala ang ginikanan sa biktima isip reklamante.

Ang maestro nga nag-recruit kang Baguio apil sab sa pasakaan sa kaso apan dunay posibilidad nga himoon siyang state witness.

Giklaro sab ni Macatangay nga wala sila mohunong sa ilang imbestigasyon gikan sa pagkahitabo, apan nakasugat lang sila og kalisdanan tungod kay toa sa Luzon ang pamilya sa biktima, wala nila ang cellphone sa biktima ug naa sa Negros ang usa sa ilang testigo.

Didto sa kaulohan ning semanaha gihapon, napulo ka mga miyembro sab sa mao gihapong fraternity ang gipangkasohan sab didto sa Quezon City tungod sab kamatayon sa usa nila ka neophyte kansang patay’ng lawas gilubong sa usa ka hilit nga dapit sa Cavite. —/IBM (BANAT NEWS)

vuukle comment

HAZING

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with