Santa Fe numero uno sa kadaghan og bisita
CEBU, Philippines — Ang Lungsod sa Santa Fe maoy numero uno lukop Lalawigan sa Sugbo nga daghang mga bisita.
Sa tibuok isla sa Sugbo ika-upat ang Santa Fe sa ranking diin ang tri-cities sa Mandaue, Lapu-Lapu ug Cebu City maoy anaa sa top 3.
Matud sa lokal nga kagamhanan sa Santa Fe pinaagi sa ilang official Facebook page nga niabot ngadto sa 134, 770 ang mga bisita sa Santa Fe sa tuig 2022 diin sa maong gidaghanon 131, 382 niini ang lokal nga bisita ug 3,388 ang mga langyaw.
Anaa usab sa ika-lima nga pinakadaghang nadawat nga bisita ang Lungsod sa Daanbantayan nga niabot ngadto sa 107, 257 diin 93,696 ang lokal ug 13,561 ang langyaw. Ang mga lungsod sa Santa Fe ug Daanbantayan parehong nahimutang sa amihanang bahin sa Probinsiya sa Sugbo nga sikat tungod sa mga maanindot nga baybayon o white sand beaches. (BANAT NEWS)
- Latest
