^

Banat Balita

Modernisasyon sa waste management iduso ni rama sa konseho

Sanden J. Anadia - Banat

CEBU, Philippines — Itugyan ni Cebu City Mayor Michael Rama  ngadto sa konseho ang giingong investment  ni  Enrique K. Razon Jr. alang sa modernisasyon sa waste management system sa  Dakbayan.

Matud pa sa mayor nga usa kini maayong kahigayonan aron mahatagan og klaro nga katin-awan ug diskusyon ang kalabot sa maong butang.

Nagkanayon si Rama nga ang pag-endorso niya sa maong butang ngadto sa konseho nagpasabot nga ipagtigbabaw niya ang transparedad ug accountability.

Nasayran nga ang Prime Integrated Waste Solutions Inc. (Piwsi),  ang mo- acquire  sa ARN Central Waste Management Inc., nga maoy kasamtangang  magdawat og linibo ka tonelada sa  basura sa Siyudad  sa Sugbo matag adlaw.

Ang maong kompaniya giingong dunay kapasidad sa pagmintinar sa enerhiya, instrumento ngadto sa limpyo nga tubig, waste management, ug uban pa.

Target sa infrastructure arm sa  Razon Group nga  Prime Infra  nga makaumol og world-class waste facility sa Dakbayan sa Sugbo.

Tumong sa PIWSI nga matubag dayon ang mga pagbuga sa methane, mapugngan ang polusyon sa kadagatan, tubig, ug hangin pinaagi sa tukma nga pagdumala sa basura, ug pagpauswag sa kalidad sa kinabuhi sa palibot nga mga komunidad pinaagi sa pagsuporta sa kritikal nga imprastraktura sa Sugbo.

“We  are looking forward to working closely with the local government of Cebu City to successfully achieve our strategic objectives and make the city a showcase for waste-to-value initiatives in the country,” suma pa ni  Cara Peralta, ang Market Sector Lead for Waste sa  Prime Infra. (BANATNEWS)

MICHAEL RAMA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with