^

Banat Balita

Mangingilad nigamit sa pangalan ni Garcia gipangita

Le Phyllis F. Antojado - Banat

CEBU, Philippines — Gipangita karon sa National Bureau of Investigation-7 ang usa ka babaye nga nagpakaaron-ingnon nga si Gobernador Gwendolyn Garcia diha sa social media.

Ang NBI-7 ni-file og kasong computer-related identity theft batok sa usa ka Conchita Traya ngadto sa Cebu Provincial Prosecutor’s Office niadtong Oktubre 3, 2022.

Si Traya giingong nihimo og Facebook ug Instagram accounts ni Garcia aron mag- solicit gikan sa netizens.

Si Garcia nireklamo niini ngadto sa NBI-7 ug nangangkon nga ang maong poser nihimo og ilegal nga kalihokan pinaagi sa pag-ilad ug pagpakaaron-ingnon nga siya ang gobernador.

Si Traya nisuway pag-solicit sa usa ka magtutudlo sa Daanbantayan.

Base sa chat sa maong poser ngadto sa magtutudlo nangayo kini og pundo ug makatigom og mga P100,000 alang sa usa ka non-government organization. Apan ang maong magtutudlo nihangyo nga P5,000 ra ang iyang mahatag ug tungod kay nagduda ang magtutudlo sa maong scheme.

Imbes nga P5,000 ang magtutudlo nipadala og P5 ug iyang gi-edit ang e-wallet receipt aron mahimo kunohay kining P5,000.

Ang magtutudlo ni-screenshot sa ilang panaghisgot sa poser ug gipadala ngadto sa ilang mayor nga si Sun Shimura kinsa mao usab ang ni-forward ngadto kang Garcia sa maong screenshots.

Matud sa NBI-7 nga nahatag ni Traya ang iyang identity dihang nihatag siya sa iyang e-wallet account ngadto sa magtutudlo.

Sa laing bahin, si Mayor Junard “Ahong” Chan sa Dakbayan sa Lapulapu nibahad sa pagsikop sa tawo giingong nangilad sa usa ka buta nga naninda og facemask diha sa Barangay Basak sa maong siyudad.

Usa ka social media post ang gipadangat ngadto kang Chan kabahin sa usa ka buta nga lalaki kinsa naninda og facemask niadtong Miyerkules sa buntag ang gipalitan og bali’g P100 gamit ang P1,000 nga peke nga kwarta.

Ang biktima nakahatag og sukli nga P900 ngadto sa nipalit nga nagmotorsiklo kinsa nibayad og peke nga kwarta.  —Rowena D. Capistrano/BDB (BANATNEWS)

GWENDOLYN GARCIA

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with