^

Banat Balita

Konseho sa Cebu City nipadayag sa ilang suporta sa SB 302

Sanden J. Anadia - Banat

CEBU, Philippines — Gipadayag sa konseho sa Siyudad sa Sugbo ang ilang suporta sa Senate Bill No. 302 o “4Ps for Disaster Victims Act.”

Gipaluyohan ni Senador Alan Peter Cayetano ang gisugyot nga lakang nga nag-amendar sa Akta Republika Numero 11310 kun “Pantawid Pamilyang Pilipino Program (4Ps) Act nga maglakip sa mga biktima sa katalagman isip mga kwalipikadong beneficiaries sa maong programa.

Si Konsehal Pancrasio Esparis niduso og resolusyon kalabot sa pagsuporta  sa tinguha ni Cayetano.

Ang Section 6 sa Akta Republika 11310 nagkanayon nga ang mga mag-uuma, mangingisda, mga pamilyang walay puy-anan, mga lumad, kadtong anaa sa informal settler sector ug kadtong anaa sa geographically isolated ug disadvantaged areas lakip na kadtong anaa sa mga lugar nga walay kuryente kinahanglang automatic nga maapil sa standardized targeting system nga pagahimuon sa Department of Social Welfare and Development (DSWD).

Matud ni Esparis nga sa kasamtangang balaod sa 4Ps wala maglakip sa beneficiaries nga biktima sa katalagman.

Base sa explanatory note sa SB 302, si Senador Cayetano nagkanayon nga adunay   mga biktima sa mga kalamidad nga hingpit nga nawad-an sa ilang mga kabtangan nga kwalipikado ug madawat dayon sa programa.

Si Cayetano nisugyot nga ang mga biktima sa katalagman nga nanginahanglan og tabang makadawat og usa ka higayon nga pinansiyal nga tabang nga maoy igasto sa pagkaon, kapuy-an, sinina, ug uban pang mga kinahanglanon. BDB (BANATNEWS)

SUGBO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with