Cashless transaction sa City Hall hapit na  mapatuman

CEBU, Philippines — Nagkaduol na nga makab-ot sa kagamhanan sa Dakbayan sa Sugbo ang tingoha niini nga mahimong tulin o cashless nga pamaagi sa transaksyon tali sa publiko ug sa lokal nga panudlanan.

Si Cebu City vice Mayor Raymond Alvin N. Garcia bag-o lang nakigtagbo sa Electronic Money Issuer (EMI) nga GCash aron hisgutan ang paghiusa sa teknolohiya sa kompanya alang sa pagbayad sa real property ug business tax.

Nagkanayon ang bise mayor nga mahimong sayon nalang kaayo alang sa taxpayers ang maong pamaagi. Nasayran nga ang C PASS INC. adunay kasamtangang kasabotan sa dakbayan alang sa pag-establisar og pamaagi sa  financial transactions ug naa na kini sa ikatulo nga  stage sa  proseso sa  Bangko Sentral ng Pilipinas  alang sa Virtual Asset Service Providers. Giingong ang maong sistema ginabuhat usab didto sa Korea.

“We want something stable, convenient, secure, and cost-efficient. Anything that makes us more business friendly, " matud pa ni Garcia. (BANAT NEWS)