Mga trak wala gihapon magtabon sa ilang mga kargamento

MANILA, Philippines — Gihangyo pagbalik  sa City of Talisay-Traffic Operation Development Authority (CT-TODA) ang mga trak nga adunay karga nga tabunan kini aron dili manglupad ug mangayo sa karsada.

Partikular sa gipasabot sa maong buhatan mao ang mga trak nga nagkarga og mga balas, graba ug anapog nga pirmeng magpasad sa karsada kay nanglupad gikan sa trak.

Si Jonathan Tumulak, traffic czar sa siyudad sa miaging semana mihangyo sa drayber ug truck boys nga tabunan ang ilang mga karga.

Kadaghan nasab nga higayon nga ang sakop sa CT-TODA maoy manghipos sa nagpasad nga nangausik nga balas, graba ug anapog.

Pinakauwahing hitabo mao diha sa Cebu South Coastal Road (CSCR) diin sila nasab ang nanghipos niini.

Si Tumulak miingon nga peligro kining maong mga kargaha nga gitawag og mga ‘aggregates’ kun magpasad sa dalan ilabi na sa mga magmotorsiklo ug bisekleta.

Mipasidaan sila nga dakpon ug tiketan aron pamultahon kining mga trak nga dili motuman pagtabon sa ilang mga kargamento.