Virology institute gahinan og dul-an P1B nga pundo
CEBU, Philippines — Gipahibalo ni Cebu First District Representative Eduardo Gullas kagahapong adlawa nga ang Department of Science and Technology (DOST) gahinan og budget nga P1.3 billion sa sunod tuig gikan sa giduso nga P5.024-trillion 2022 General Appropriations Act.
Si Gullas kinsa maoy House Assistant Majority Leader miingon nga gamiton kini sa DOST sa ilang research and development para sa sunod tuig, ang P983 milyones niini para sa tukorong Virology Institute of the Philippines (VIP).
Matud pang Gullas ang maong research center anha ibutang sa New Clark Economic Zone sa Capas, Tarlac. “The VIP has become absolutely imperative for the country to eventually develop its own capabilities to create future vaccines against viral diseases,” sumala pa sa pamahayag ni.
Sa miaging buwan, ang Ubos Balay Balauranan nipasar sa ikatulo ug kataposang nilang pagbasa ug giendorsar dayon ngadto Senado ang balaudnon nga magtukod og VIP. Ang VIP sertipikado ni Presidente Rodrigo Duterte nga dinalian.
Ang VIP mao unyang labing unang research and development institute sa nasud nga ekslusibong manukiduki ug tun-an kining COVID-19 ug uban pang mga viral diseases sa tawo, mga hayop ug bisan sa mga tanom.
Matud ni Gullas, ang mga siyentipikong Pilipino motutok dili lang sa Covid-19 kondili tanang mga manggawas nga mga virus, variants, mga kinaiya sa maong mga sakit, klasipikasyon, cultivation ug genetics.
Apil sa tan-awon sa VIP ang mga viruses nga makaapektar sa panglawas sa mga tawo ug kadtong makaapektar sa seguridad sa pagkaon sa katawhan.— The Freeman/IBM
- Latest
