Lapu-Lapu nangandam na sa pagsulod sa mga langyaw nga turista

Cebu, Philippines — Gihangop ni Mayor Junard “Ahong” Chan ang pagluwat sa Inter-Agency Task Force (IATF) sa Resolution No. 113 nga nagtugot na sa mga langyaw nga makasulod na og balik sa nasud.

Matud ni Chan nga ang kagamhanan sa Dakbayan sa Lapu-Lapu ang nihimo na og pagpangandam sa pagbalik og sulod sa mga langyaw nga turista diha sa siyudad.

Base sa nahisgutang resolusyon nga giluwatan sa IATF nga ang mga foreign national tugotan na sa pagsulod sa nasud ubos sa mga kondisyon nga nagbaton sila og valid visa, pre-booked accommodation nga dili moubos sa pito ka gabii sa mga accredited hotel ug uban pa.

“They can come to Lapu-Lapu City as long as they are fully vaccinated and within 72 hours before sa ilang flight naka RT-PCR sila ug tested negative, that’s our stand for Lapu-Lapu”, matud ni Chan.

Si Chan nipadayag sa paghangop sa mga mosulod nga langyaw nga turista nga mosulod sa siyudad.

Nasayran nga si Chan nangayo og tabang kang Secretary Harry Roque atol  sa pagtambong niini sa ika-500 ka tuig nga kasaulogan sa Kadaugan sa Mactan niadtong Abril 27, 2021.

Advertising
Scroll to continue

Si Chan nipadala na usab kini og suwat ngadto kang Secretary Francisco Doque sa Department of Health (DOH) nga naghangyo nga tugotan na ang mga foreign national nga makasulod sa nasud ug kasamtangan pa niyang gipaabot ang tubag niini.(BANAT NEWS)

Show comments