Osmeña peak buksan na
Le Phyllis F. Antojado (Banat) - August 1, 2020 - 12:00am

CEBU, Philippines — Buksan na usab ngadto sa publiko ang Osmeña Peak diin ang entrance adto na sa Lungsod sa Dalaguete.

Si Bokal Jose Mari “Tata” Salvador nipahibawo nga sa Agosto 16 buksan pagbalik ang Osmeña Peak diin ang mga motambong dili una pabayron.

Kagahapong adlawa gipangulohan ni Gob. Gwendolyn Garcia ang pagbukas sa kalihukan sa turismo sa Probinsiya sa Sugbo didto sa Lungsod sa Oslob diin naila sa whale shark watching.

Si Oslob Mayor Jose “Jun” Tumulak nipahibawo nga karong adlawa magsugod na sila pagpanawat og turista.

Si Director Asteria Caberte sa Department of Trade and Industry 7  kinsa nitambong sa kalihukan nagkanayon nga ang ilang ahensya magbutang og negosyo center sa Oslob ingon man “One Town One Product” nga susama sa usa ka shopping hub alang sa mga turista diin ang tutukan ang “health and wellness” nga produkto sama sa turmeric, coconut oil ug uban pa.

Si Garcia nagkanayon nga kinahanglan nga mabalik ang panginabuhian sa mga Sugboanon ilabi na kadtong nag-agad ra sa sektor sa turismo.

Karong adlawa buksan na usab ang tourism activity sa Moalboal ug sa Domingo sa Barili.

Ang tourism activities sa Probinsiya sa Sugbo gitugutan na kini human nga napaubos ang modified general community quarantine (MGCQ). /GMR (BANATNEWS)

OSMEñA PEAK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with