^

Banat Balita

Kapitan sa basak-San Nicolas, 13 ka kauban gipangkiha

Decemay P. Padilla - Banat

CEBU, Philippines — Gipasakaan og kaso sa kapolisan ang 14 ka personalidad apil na ang kapitan sa Barangay Basak-San Nicolas nga si Norman Navarro.

Kini human sa nahitabong prosesyon ug Sinulog dance festival sa barangay niadtong Sabado taliwala sa pagdili sa mass gathering ubos sa enhanced community quarantine.

Si Police Regional Office 7 regional director, Brigadier General Albert Ignatius Ferro, nimando dayon og imbestigasyon sa Cebu City Police Office uban sa Criminal Investigation and Detection Group 7 sa maong kalihukan.

Matud ni Ferro nga ang kapitan pakyas sa pag-superbisar sa implementasyon sa ECQ.

Kagapon gisusi ni Ferro ang lugar diin nahitabo ang Sinulog dance festival aron masayud gyud sa tibuok panghitabo.

Hugot na sab nga gibantayan og mga polis ang lugar ug gipahinumduman ang katawhan sa pagtuman sa social distancing ug pagsul-ob og facemask kung mogawas sa balay gamit ang quarantine pass ug magpundo ra gyud sa balay kung walay importanteng tuyo sa gawas.

Show-cause order

Ang Department of Interior and Local Government nipadala sab og show-cause order kang Navarro aron mopasabot sa nahitabo sulod sa 48-oras.

Matud ni Atty. Ian Kenneth Lucero sa DILG-7 nga isip amahan sa barangay sayud gyud si Navarro sa mga kalihukan sa iyang barangay ilabi na karon nga ubos sa state of public health emergency.

Mismo si Cebu City Mayor Edgardo Labella nimando sa City Legal Office nga mohimo og imbestigasyon.

Matud ni Attorney Rey Gealon, city legal officer, nga nipadala na sila og show-cause order kang Navarro ug mga sakop sa sangguniang barangay.

Sa higayon nga dili makahatag og undanon nga tubag ang mga opisyal sa barangay, matud ni Gealon nga sila sa CLO ang mopasaka sab og kasong kriminal ug administratiba.

Sa post sa Basak San Nicolas Facebook page, gipadayag nga walay labot si Navarro ug wala siya kahibawo bahin sa pasundayag sa sayaw sa Sinulog nga nahitabo.

“Aduna tay nadawat na mga reklamo ug nikatap sa media gikan sa Sitio Alumnos kabahin niining gihimo na sinulog dance presentation gahapon. Walay kalabot ug wala nasayud si Kapitan Norman Navarro niining Sinulog dance sumad sa kapistahan sa Sitio Alumnos. Supak siya aning aktibidad.

ahibaw ta na kini alang sa Senyor Sto. Nin~o apan kita naglikay hilabi na nagkasaka ang kaso nato niining COVID,” pagbasa sa Facebook post. Rowena D. Capistrano, Alicia Ivy L. Chua/GMR (BANATNEWS)

SAN NICOLAS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user