93 nasikop nga nag-angkas og motor sa Minglanilla

CEBU, Philippines — Miabot sa 93 ka mga tawo ang nasikop sa kapolisan sa Minglanilla nga nag inangkasay sa motorsiklo niadtong huwebes sa buntag.

Si Police Major William Homoc, pangu sa Minglanilla Police Station miingon nga resulta kini sa ilang gihimo nga estriktong pagpatuman sa mga safety protocols aron kalikayan ang pagkatap sa kaso sa COVID-19.

Lakip sa ilang gihingusgan mao ang pagpatuman sa social distancing, pagsul-ob og facemask ingon man ang hugot nga pagbantay sa mga tricycle ug habal habal nga mosulod sa national highway.

Hinuon gitagaan una sila og higayon ug hugot nga gipahimangnuan nga estrikto na nga gipatuman ang mga lagda may kalabutan sa safety protocols..

Apan mibahad ang hepe sa Minglanilla Police station nga sa sunod nilang pagsikop sa mga malapason dili na sila mopasaylo ug pahamtangan na kini ug tukmang silot.

Danao ordinance

Samtang sa laing bahin dunay bag-ong ordinansa ang Dakbayan sa Danao alang sa mga tricyle ug trisikad samtang anaa pa sa public health emergency ang Probinsya sa Sugbo.

Sa maong ordinansa gitugotan ang pagbyahe sa mga tricycle ug trisikad diha sa syudad sa Danao ubos sa pipila ka kondisyon.

Gidid-an sila nga mopasada sa national highway ug adto lang sa interior roads, mahimo makahatod og pasahero padulong sa hunonganan sa mini-buses ug kinahanglan usa ra ka pasahero ang mosakay. Ang drayber ug pasahero kinahanglan mosunod sa physical distancing ug ubang protocols subay sa guidelines sa DOTr ug Land Transportation Office.

Ang tanang tricycle ug trisikad gidid-an gyud nga moagi sa national highway gawas kung "Mulabang sila sa mga designated portions sa national road, to and from Barangays Suba and Poblacion, passing through C.M Enriquez and S. Duterte Streets ug to and from Barangay Cambanay and Taboc to Barangay Taytay or Poblacion, diin kining mga rutaha, lakip sa travel route sa mga tricycles ug trisikads" sumala sa Danao city Government official facebook page.

Sa maong ordinansa gilatid usab ang rota alang sa mga tricyle ug trisikad.

Sa tricycle ang rota -- Terminal to Simangan, Barangay Guinacot; Terminal to Barangay Cambanay; Terminal to Barangay Taytay/Taboc ug Terminal to Guisok, Barangay Tuburan Sur. " Barangay Poblacion- From and to F.Ralota Street, Duterte Street, C.M Enriquez Street, C.P Garcia Avenue, Juan Luna Street, Olivar Street, P.G Almendras Street and Rizal Extension subject to the implementing rules and regulations of the Danao City Mobility and Transportation Board (DCMTB) which shall provide sketch map illustrating the travel routes" pagbasa sa rota sa mga trisikad base sa post sa facebook page sa syudad sa Danao. Le Phyllis F. Antojado/MEL (BANATNEWS)