Radaza ug Ahong Chan nagbawsanay og pasangil
Romeo T. Limpangog (Banat) - April 26, 2019 - 12:00am

CEBU, Philippines – Miduyog sa kainit sa panahon ang kahimtang sa politikanhong kalihukan sa Dakbayan sa Lapu-Lapu niining nagkaduol sa adlaw sa piniliay.

Ang mga nag-atbang nga mga kandidato sa Siyudad sa Lapu-Lapu, nagbawos-bawos og pasangil human giingong adunay nahitabong pagpangharas sa ilang mga tigpaluyo.

Gumikan sa maong kahimtang, ang kampo ni Mayor  Paz  Radaza, gipasanginlan sa usa sa iyang  higpit nga  kaatbang nga si Junard “Ahong” Chan og mga pagpangharas.

Si Chan namasangil nga ang  iyang kaatbang, nagplano og dautan basi kini sa gitug-an ngadto kaniya sa usa ka sakop  sa  City of Lapu-Lapu Allied Force o CLAF.

Giingong gipasidan-an ang iyang mga tigpaluyo nga taga Sitio Paradise, Brgy. Pajo nga molikay sa pag-uban sa mga campaign rally kay matud pa adunay giplano nga pagpamanhig sa gisuportahan nilang kandidato. Butang nga nakapabalaka ni Chan kinsa miingon nga kon kini mahitabo, timailhan kini sa desperadong mga lakang sa iyang kaatbang.

Laing pasangil mao ang pagtaktak sa sakop sa CLAF nga misuporta kaniya ug ang pagpanglaksi sa ilang mga campaign posters. Gumikan niini gipangkuhaan na karon og affidavit ang ilang mga supporters nga giingong gipang-harass sa kampo sa mga Radaza aron ilang pasakaan og sumbong sa Comelec.

Si Mayor Radaza sa iyang bahin miingon ngadto kang Chan nga modangop usab sila ngadto sa korte sa nasinati nga pagpangharas sa iyang mga tigpaluyo ug nakuhaan na kini og  affidavit sa ilang  abogado alang sa  pagpasaka og kaso sa korte. Ang kampo ni Radaza mipasangil usab ni Chan og pagpanangtang ug pagtabon sa ilang mga campaign materials.

Ang laing kandidato sa pagkamayor nga si Engr. Lando Patalinhug miingon nga   siya ang tinuod nga kaatbang ni Radaza kay si Chan sakop man kanhi sa mayor. (/DILT)(BANAT NEWS)

 

RADAZA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with