Buyawanong Placer balik Sinulog
Le Phyllis F. Antojado (Banat) - January 18, 2019 - 12:00am

CEBU, Philippines – Kon kaniadto ang ilang mga ginikanan maoy apil sa mga mopasundayag sa ilang mga contingent, karon ang tulo ka magsuong Escoza, mao nay apil sa mga mosayaw sa contingent gikan sa Lungsod sa Placer, Surigao del Norte human ang 18 ka tuig gikan sa uwahing pagtambong sa maong lugar sa Sinulog niadtong 2001.

Sila si Leo Miguel, 15-anyos, Garry, 13-anyos ug Gean 10-anyos lakip sa usa ka gatos ka mga dancers sa Buyawanong Placer, usa sa mga out-of-town contingents sa Sinulog Grand Parade karong tuiga nga himuon karong Domingo.

Matud ni Val Lozada ang head choreographer sa maong contingent nga pipila sa mga dancers nila karon, mga anak sa kanhi performers sa ilang contingent kaniadto, sama nila ni Garry ug Emily Escoza nga maoy ginikanan sa tulo ka managsuong dancers.

Asoy ni Leo Miguel nga apil ang iyang inahan sa mga dancers sa Placer niadtong 2001, ang katapusang tuig nga miapil ang ilang lungsod sa Sinulog.

“Taghatagan mi og kuan nga paenteron diri kay kinaigiyan naman sad ni, mao to nisugot sila, ni-support” matud ni Leo Miguel.

Unang higayon sa mga bata nga miari sa Sugbo ug motambong sa Sinulog. Ug sama sa ubang mga performers, tinguha nila nga makuha ang kampyonato karong tuiga.

Si Lozada nagkanayon nga ang istorya sa ilang sayaw, nagsentro sa panginabuhian sa mga tawo sa ilang lungsod nga mao ang pagkuha og bulawan o sa Surigaonon nga pinulongan, “buyawan”.

“Placer has been known for its rich deposit in gold and Placer also when discovered during the Spanish time it means, glitters, it’s a place that glitter so mao na nga Placer, so they dance, we depict the livelihood of the people which is gold panning…” asoy pa ni Lozada.

Gawas sa usa ka gatos ka mga dancers, ang Buyawanong Placer adunay say usa ka gatos ka mga propsmen ug 250 ka instrumentalist. Gibanabana nga dili momenus P1.5 milyones ang ilang nagasto. (/DILT)(BANAT NEWS)

 

PLACER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with