CEBU, Philippines — Gihimakak ni kanhi bise mayor Romeo Villarante sa Dakbayan sa Talisay ang taho nga ang oposisyon naghiusa aron sa pag-atbang sa grupo sa administrasyon sa sunod tuig nga eleksiyon.
Hinuon giangkon ni Villarante nga nag-abot sila ni kanhi mayor Johnny delos Reyes sa usa ka okasyon ug iyang gihimakak nga duna silay gihimong kasabutan ni Delos Reyes.
Matud ni Villarante nga magpapili siyang bise mayor sa siyudad sa sunod tuig nga eleksiyon apan wala siyay gidala nga mayor apan adunay tulo ka konsehal nga sila si kanhi konsehal Dennis Basillote, Aldin Diaz ug Sherwin Echavez.
Samtang si JVR modayan kini isip mayor sa siyudad ug aduna usab kini pipila ka konsehal nga nialyado kaniya apan walay bise mayor. Nasayran nga si Bise Mayor Alan Bucao giingong wala gibati og kabalakan sa nahisgutang taho nga maghiusa ang opposition aron siya pildihon. (/BDB)(BANATNEWS)