Vice Governor Magpale magpasubli
CEBU, Philippines – Nabag-o ang huna-huna ni Bise Gobernador Agnes Magpale ug gikonsiderar na niini ang pagpasubli sa pagka-bise gobernador sa Lalawigan sa Sugbo sunod tuig.
Kini human ang pangulo sa ilang partido, Barug Alang sa Kauswagan ug Demokrasya (BAKUD), nihangyo kaniya nga makigpares gihapon kang Gobernador Hilario Davide III.
Matud ni Magpale nga aduna na unta silay napilian nga mohulip niya apan adunay nahitabo hinungdan nga wala kini nadayon.
"The reason nga certain kaayo ko nga I will not reconsider anymore, kay there was already a replacement, but then something turned up nga dili na sad to madayon," matud ni Magpale kinsa wala na motug-an sa pangalan kung kinsa ang maong tawo.
Sa pangutana kon unsay rason nga nausab ang iyang huna-huna, ang bise gobernador nitubag nga, "my loyalty to my party and to the district".
Una na niyang gipahibawo nga dili na siya modagan tungod sa iyang edad ug gusto na mopahulay sa politika.
Si Davide nihangop sa bag-ong pamahayag ni Magpale.
"That's great news for the province," matud ni Davide. (/GMR)(BANAT NEWS)
- Latest
