Infairness gilusad sa Sugbo
Richel Ann P. Basiga (Banat) - September 14, 2018 - 12:00am

CEBU, Philippines – Gilusad ang “inFAIRness” sa Dakbayan sa Sugo nga usa ka kalihokan alang sa gender equality ug pagbuak sa stereotypes nga kanunay anaa sa komunidad hangtud karon.

Ang “inFAIRness” nga kampanya gilusad niadtong Agosto sa Senado pinaagi ni Senador Grace Poe, ang chairman sa committee on public information and mass media.

Kini gipasiugdahan sa Australian Government ug ni-tap sila sa lokal nga kagamhanan pinaagi sa Cebu City Women and Family Affairs Commission, Mr. Click, SPARKS Philippines, Investing Women alang sa kalampusan sa kampanya.

Bisan pa man nga ang Pilipinas ika-10 sa Asya sa World Economic Forum’s Global Gender Gap Report 2017, duna gihapoy mga kaso sa Sugbo sa pagpanamak sa tawhanong katungod.

Matud ni Poe nga ang “inFAIRNESS” gilusad aron sa pagsabot pag-ayo sa mga babaye, lalake ug ubang miyembro sa LGBTQ++ community aron mahatagan sa angay nga katungod sa pagpanrabaho ug aron mas mapalapdan ang oportunidad.

Si Hans Kevin R. Madanguit, project manager sa Spark Philippines, niingon nga dili lang alang sa mga babaye sa komunidad, alang sab kini sa mga lalake nga naa lang sa balay naglihok isip usa ka inahan ug amahan.

Dugang ni Madanguit nga usa gihapon kini ka “taboo” sa sosyidad kung mahibaloan nga ang lalaki nagbuhat og lihok nga angay sa babaye sama sa pagpanglaba, pagluto, pagpanglimpyo sa balay ug uban pa ug kung ang babaye sab mobuhat sa lihok nga pang-lalake lang.

Si Konsehal Sisiño Andales mapasigarbuhong niasoy nga dugay na nga naghimo og Gender and Human Rights Equality ang Cebu City Hall diin makita nga nagkadaiyang tawo sa komunidad ang ilang mga trabahante.

Paningkamutan sa kagamhanan ug sa maong organisasyon nga duna nay mga campaign stickers nga ibutang sa mga pangpubliko nga lugar kabahin sa gender equality ug magpadayon ang kalihukan sa social media gamit lang ang #inFAIRness. (/GMR)(BANAT NEWS)

SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with