Mga kapitan padakponog durugista
CEBU, Philippines - Gihagit sa hepe sa kapolisan sa Siyudad sa Talisay ang mga barangay kapitan nga unta ilang sundon ang gibuhat sa babayeng kapitan sa Candulawan nga si Josefina Concial.
Matud ni Supt. Emerson Dante nga maayong ehemplo si Concial nga mao gyud ang nangunay sa pagdakop sa mga durugista sa ilang barangay sa duha ka higayon.
Si Dante nakadayeg sa kaisog ni Concial bisan pa man og siya usa ka babaye.
Matud ni Dante nga unta himuon sab sa tanang opisyal sa barangay ang gibuhat ni Concial.
“Wag kayo matakot dahil kung matatakot ka alis ka dyan sa pwesto mo. Bakit ka nandyan,” asoy pa ni Dante.
Gipasabot ni Dante nga dili lang trabaho sa mga polis ang paggukod sa mga tawo nga nalambigit sa ilegal nga drugas kun dili trabaho kini sa tanang katawhan tungod kay dili man nila kini mahimo kung wala’y tabang sa komunidad.
“Hindi ka naman palamuti, hindi ka flower vase, so h’wag kang matakot,” sigun ni Dante.
Nasikop ni Concial si Jerson Abadiez, 26, nga namaligya og ginadiling drugas diha gyud atubangan sa ilang barangay hall. (BANAT NEWS)
- Latest
