Mama gipatay sa anak
SO...CHISMIS ITOH!? - Decemay P. Padilla, Jojo Ugdol, Rowena Capistrano (Banat) - November 2, 2016 - 12:00am

CEBU, Philippines - Giunay og patay sa iyang anak ug pag-umangkon ang 72-anyos nga inahan pinaagi sa pagtinabangay sa duha pagpuspos og dos por dos ug gidakdakan og bato ang ulo niini diha sa Brgy. Cogon-Pardo, Dakbayan sa Sugbo.

Giila ang biktima nga si Milagros Lapata samtang ang mga suspek nga nagtingkagol karon sa prisuhan mao sila si Jonito Lapata, 38, nga anak sa biktima ug ang pag-umangkon niini nga si Joshua Ortiz, 18.

Nagtuo ang mga kabanay sa biktima nga nag-deliver kini og karne sa baboy sanglit mao kini ang negosyo sa biktima.

Apan matud ni Senior Inspector Roberto Lucernas, hepe sa Pardo Police Station ang laing anak sa biktima mi-report sa kapulisan nga ilang inahan nawala sugod alas-7 sa gabii niadtong adlaw’ng Lunes.

Natingala na lang sila nga buntag na lang wala pa gihapon mauli ang ilang inahan. Apan adunay laing kabanay nila ang mipatim-aw sa kapulisan ug nipahibawo nga ang katapusang kuyog sa biktima si Joshua.

Sa sinugdanan nagdumili sa pagtug-an si Joshua sa tinud-anay nga panghitabo kay giingong gibaharan siya sa laing suspek nga patyon ang iyang tibuok pamilya apan samtang nagpadayon ang imbestigasyon sa kapulisan misulti na si Joshua sa unsa gyu’y nahitabo sa biktima.

Gitug-an ni Joshua nga ang iyang partisipasyon  mao ang paghigot og straw sa biktima.

Matud niini si Jonito  maoy nagbunal sa biktima og dos por dos samtang naglakaw kini sa Kintanar Street.

Giguyod nila ang biktima paingon sa abandonadong balay sa Sitio La Purisima ug didto gitiwasan kini ni Jonito pinaagi sa pagbunal og bato sa ulo sa inahan hinungdan sa kamatayon niini.

Gitug-an usab ni Joshua, gikuha ni Jonito ang P32 mil nga kwarta sa biktima ug gibayad ngadto sa mga lalaking nagpaabot kay utangan diay si Jonito sa drugas.

Matud pa nga   pirmeng kulatahon ni Jonito ang inahan kun dili makahatag sa iyang gipangayo nga pang-shabu.

Apan si Jonito dihang nahinabi sa mga tigbalita kusganong nihimakak sa mga pasangil.

Gipasabot niini nga kanang makulatahan niya ang inahan iyaha kining nabuhat tungod kay gipakauwawan siya niini. Matud pa niya wala siya sa ilang balay atol sa pagkahitabo. Giangkon hinuon niyang tiggamitan siya og drugas.

Ang inahan ni Joshua nga si Gypsy Abangan, 44, miingon nga dili gyud mabuhat sa iyang anak ang pagpatay kay buotan kini nga pagkabata. (/EIM)

MAMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with