Mangunguot sa sinulog grupo
Jojo C. Ugdol (Banat) - January 18, 2016 - 9:00am

CEBU, Philippines – Usa ra ka grupo sa mga mangunguot ang gitan-aw karon sa kapolisan sa Dakbayan sa Sugbo nga nangbiktima sa mga tawo atol sa Sinulog niadto’ng nakalabay nga adlaw.

Sumala pa ni Chief Insp. David Señor, hepe sa Police Community Relations (PCR) sa Cebu City Police Office, nga kini ang impormasyon nga iya’ng nakuha gikan sa Theft and Robbery Section sa CCPO human dunay natala ang Fuente ug Waterfront Police Stations nga mga kaso.

Matud ni Señor nga susama ang impormasyon nga gihatag sa mga biktima nga ang grupo gikatahong adunay sakop nga mga babaye’ng gwapa, sexy ug dunay edaran na nga dili mailhan nga mga mangunguot.

Tagalog ang inistoryahan sa grupo diin nagtuo ang kapolisan nga lagmit gikan sa Mindanao o Luzon.

Giangkon ni Señor nga naglisud sila sa pagtumbok sa grupo kay kini wala pa sa lista sa kapolisan.

Ang gwapa ug sexy nga babaye ang gamiton nga hinagiban sa mga kiriwan aron mokompiyansa ang ila’ng biktimahon.

Usa sa mga nabiktima ang 69-anyos nga  si Eva Flor Cantotay nga taga Duljo Fatima samtang kini seryoso’ng nagluhod ug nag-ampo sulod sa Basilica Minore del Sto. Niño.

Gidudahan sa biktima ang lalaki nga iya’ng tupad nga mao’y nikuha sa iya’ng hand bag samtang kini nag-ampo.

Nahibulong na lang ang biktima nga diha’ng nibuka ang iya’ng mata nahanaw na ang iya’ng hand bag nga adunay sulod nga P500, Voters ID, Senior Citizens ID ug mga yawe.

Igo na lang nagpa-blotter sa kapolisan ang biktima.

Sa impormasyon nga gipaabot ni Police Officer 3 Clifton Manogora sa Fuente Police Station nga niabot sa 10 ang biktima sa pagpanguot nga nagpa-blotter sa ila’ng buhatan samtang duha sa Waterfront Police Station niadto’ng nakalabay nga sayo sa gabii atol sa Sinulog. – /GMR) (BANAT NEWS)

ACIRC ANG ATILDE BASILICA MINORE CEBU CITY POLICE OFFICE CHIEF INSP CLIFTON MANOGORA DAVID SE DULJO FATIMA MGA NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with