^

Banat Balita

Sidewalk stalls ipatangtang sa Sinulog carousel route

Banat

CEBU, Philippines – Gisugyot ni suspended Mayor Michael Rama kinsa mao usab ang tsirman sa Sinulog Foundation Inc. ngadto sa mga gitahasan sa pag-andam sa selebrasyon sa Sinulog 2016 nga paluagan tanan ang mga sidewalks nga anaa  nahimutang sa carousel routes sa Sinulog Grand Parade nga ipahigayon sunod Domingo aron adunay maagian ang publiko ug paglikay usab sa stampede.

Matud ni Rama nga kinahanglan adunay 3-metros nga distansya sa sidewalk alang sa publiko nga ganahan motan-aw sa parada.

Usa ka kongkretong koral sa Mango Avenue, plant box sa Department of Labor and Employment (DOLE), VECO ug uban pa nga nakalapas sa sidewalk ang gusto ni Rama nga ipatangtang.

Subay niani gipangmandoan ni Rama ang pipila nga  department heads sa kagamhanan sa Sugbo ug stakeholders sa pag- monitor ug pagpalimpyo sa carousel route.

Sa pag-agi ni Rama ug sa mga department heads sa Mango Avenue adunay usa ka establisamento nga gitrabaho ang giduol ni Rama ug gikaestorya sa pagpahunong sa trabaho ug pagpatabon sa usa ka lungag  nga anaa sa sidewalk niini atol unya sa Sinulog.

Gipahimangnoan usab ni Rama ang mga sidewalk vendors nga dili patindahon ini’g Sabado ug Domingo diha sa Sinulog carousel route, ilabi na ang anaa sa dapit sa Fuente Osmeña Rotunda.

Ang pangulo sa Prevention, Restoration Order, Beautification, Enhancement (PROBE) Team Raquel Arce nagkanayon nga ang maong mando ni Rama kaniadto pa kini apan aduna gihapon mga wala nisunod sa gimando ni Rama.

Apan sugod karon nga Sinulog dili na kini tugotan ni Rama nga anaa gihapon ang mga nakababag ug hugaw nga sidewalk hinungdan nga sugod gahapon gipanghatdan sa PROBE ang mga establisamento ug gipakigkitaan aron sa pag-implimentar sa maong mando.

Si Atty. Joey Daluz III miklaro nga bisan suspendido si Rama, mahimo gihapon siyang maka-function isip tsirman sa SFI tungod kay usa kini ka non-government organization ug  di sakop sa suspension.

Matud niya ang city government igo lang nisuporta sa kalihokan sa SFI pag-andam sa Sinulog. (Sheriza Mae R. Uy/EIM)(BANAT NEWS)

ANG

DEPARTMENT OF LABOR AND EMPLOYMENT

DOMINGO

FUENTE OSME

JOEY DALUZ

MANGO AVENUE

MATUD

MAYOR MICHAEL RAMA

NGA

RAMA

SINULOG

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with