^

P300 mil gikawat sa duha ka tindahan

(Banat) - December 27, 2015 - 9:00am

CEBU, Philippines - Sobra sa P300 mil nga kantidad sa kwarta ug kabtangan ang nakuha sa mga wala mailhing kawatan nga milungkab sa duha ka establisamento sa managlahing parte sa dakbayan sa Sugbo niadtong nakalabay nga adlaw.

Sa Barangay Kasambagan, usa ka restaurant nga nahimutang sa ground floor sa usa ka hotel ang naminghoy nga misugat sa Pasko human sila nawagtangan og mga mahalon nga butang ug dakong kantidad sa kwarta.

Ang manager sa Chocolate Chamber nga si Eduardo Pantino ang dali nga midangop sa kapulisan sa Mabolo Police Station human iyang nasayran mga alas 9:30 sa buntag nga nahanaw na ang mga gadgets ug ang kwarta nga halin sa ilang negosyo.

Lakip sa mga nadala ang usa ka laptop nga MacBook Pro, duha ka Dell laptops, Cannon EOS camera, iPad ug mahalon nga relo ug kwarta nga moabot sa P34 mil. Ang tanang butang nakawat mokabat ngadto sa P289,000.

Base sa imbestigasyon sa kapulisan, ang kawatan posible nga migamit og alambre o wala mailhi nga butang ang kawatan aron sa pag-abli sa padlock sa pultahan.

Samtang sa Barangay T. Padilla, usa ka tindahan sa mga electronic materials ang nakawatan og dul-an P30 mil nga kwarta ug mga butang niadtong niaging hapon.

Ang tag-iya sa DYM Trading nga si Floren Uy ang personal nga nangayo og tabang sa kapulisan sa Pari-an Police Station.

Base sa pag-inspeksyon sa kapulisan, giguba sa wala mailhi nga kawatan ang padlock sa  iyang tindahan aron makasulod ug gipangawat ang maong mga butang ug cash.  (BANAT NEWS)

 

 

 

ANG BARANGAY T CHOCOLATE CHAMBER EDUARDO PANTINO FLOREN UY LAKIP MABOLO POLICE STATION MGA NGA POLICE STATION SA BARANGAY KASAMBAGAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with