Mas daghang shabu nasakmit karon
(Banat) - December 4, 2015 - 9:00am

CEBU, Philippines - Gidakop sa managlahi’ng buy-bust operation ang duha ka lalaki niadto’ng Huwebes sa Dakbayan sa Lapu-Lapu.

Una’ng nadakpan si Jed Avila, 31-anyos, taga Sitio Sacred Heart Village, Barangay Gun-ob pasado alas 4 sa hapon, matud ni Senior Inspector Wilbert Parilla, hepe sa Gun-ob Police Station 3. Dugang ni Parilla nga nisukol si Avila sa mga niresponde’ng polis apan napusilan kini sa tuo’ng bahin sa sampot dihang nibunot og .38 caliber pistol ang suspek.

Gikatahong moikyas unta si Avila apan naabtan sa kapolisan ug nasakmit ang pito ka medium-size nga shabu nga mokantidad og P250,000.

Nasakmit sa kapolisan ang armas nga gigamit ug duha ka bala kang Avila.

Pipila ka oras ang nilabay sa sama’ng adlaw, nadakpan si Jose Waminal, 39-anyos, usa ka habal-habal driver, sa Sitio Ka-Isko, Barangay Mactan sa mga sakop sa City Intelligence Branch.

Matud ni Police Senior Inspector Judith Besas nga nasikop si Waminal alas 6:40 sa gabii atol sa negosasyon kaniya ug sa police poseur buyer.

Nasakmit gikan ni Waminal ang 12 ka gagmay’ng putos ug usa ka medium pack sa gituohang shabu nga kantidad og P66,800.

Laing nakuha sa kapolisan ang P800 nga halin sa ginadili’ng transaksyon ug mga drug paraphernalia samtang narekober ang P200 nga buy-bust money.

Samtang niabot na sa P73 milyones ang kantidad sa shabu nga nasakmit sa Cebu Provincial Police Office sulod sa 11 ka buwan karong tuiga. Kini ang gitug-an ni Supt. Rodolfo Albotra, hepe sa Provincial Intelligence Branch (PIB) nga nahinabi sa mga tigbalita.

Gipasabot ni Albotra nga ang pagsaka sa kantidad karong tuiga nagagumikan kini sa ka aktibo na sa katawhan nga mohatag og impormasyon sa kapolisan sa mga namaligya og shabu.

Sa 11 ka buwan sa niagi’ng tuig, nasakmit ang P20 milyones nga shabu.

Nakahimo usab og 1,021 ka drug raid operations ang kapolisan sa probinsya nga niresulta sa pagkasikop sa 1,557 ka tawo samtang 1, 887 ka kaso ang napasaka sa korte.

Niabot usab sa 28, 661 ka punoan sa marijuana ang nasakmit sa kapolisan.

Si Albotra niingon nga posible’ng mosaka pa ang makompiska nga drugas ilabina karon nga buwan sa Disyembre diin kini usab karon ang ila’ng paningkamutan nga ma-alkontrahan.

Sa nakalabay nga gabii, nakasakmit ang kapolisan og kapin sa P300 mil nga kantidad sa drugas sa Sitio Labok, Looc, Dakbayan sa Danao.

Sikop sa mao’ng operasyon si Phillip Peña apan nakasibat ang duha ka kauban nga sila si Elmer Almagro ug Christopher Avanzado.

Nakuha sa kapolisan gikan sa dinakpan ang 22 ka gagmay nga pakete, lima ka dagku’ng putos sa gituohang shabu nga kantidad og P303, 260.

Si Albotra nipasalig nga magpadayon ang pagpangronda nga himuon sa kapolisan sa probinsya uban sa tabang sa publiko. (Christell Fatima M. Tudtud ug Jojo C. Ugdol/GMR)(BANAT NEWS)

ACIRC ANG AVILA BARANGAY GUN BARANGAY MACTAN CEBU PROVINCIAL POLICE OFFICE CHRISTELL FATIMA M CHRISTOPHER AVANZADO KAPOLISAN NGA SI ALBOTRA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with