Taga Naga nagparehistro sa San Fernando
CEBU, Philippines - Gipahibawo ni Mayor Valdemar Chiong sa Siyudad sa Naga nga adunay taga Barangay Inayagan ang last minute nga nibalhin sa pagparehistro sa Lungsod sa San Fernando.
Si Chiong nibutyag nga nisumbong kaniya sila si Bise Mayor Delfin Señor ug Kapitan Edil Fat sa mao’ng kalambuan.
Sigun pa niya nga kasagaran sa mga nibalhin og parehistro ang mga beneficiaries sa Pantawid Pamilya’ng Pilipino Program sa Dakbayan sa Naga.
"Kun sila membro sa pantawid ubos sa rehistrasyon sa Siyudad sa Naga hayan sila ang maglisud na unya sa pagkobra sa ila’ng dawatunon sa gobiyerno," matud ni Chiong.
Si Chiong nakapangutana kun si kinsa ang mga tawo ang nagpaluyo niini ug kun giunsa nila sa pag-agni aron sa pagbalhin sa pagrehistro. Sa pangutana kun kini moprotesta ba, asoy ni Chiong nga magdepende nalang ni Kongresista Gerald Anthony "Samsam" Gullas. - /GMR (BANAT NEWS)
- Latest
