CEBU, Philippines – Nakit-an na lang nga patay na ang usa ka Swiss sa iya’ng panimalay sa Lower Pakigne, Minglanilla.
Ang biktima mao si Tomas Sasweskie, 63, nagpuyo sa nahisgutang lugar.
Sa inisyal nga imbestigasyon nasuta nga hubog ang langyaw diha’ng kini natumba ug napantok ang ulo sa sementado’ng sawog.
Asoy sa kapuyo sa namatay nga kanunay mag-inom og ilimnong makahubog ang langyaw ug kini matumba gyud matag kahubog.
Apan siya natingala diha’ng iya kini’ng nakita nga wala na mag-ginhawa ang biktima hinungdan nga nitawag siya sa kapolisan.
Gipasabot sa kapolisan nga ipaubos sa autopsy ang patay'ng lawas ni Sasweskie aron masuta kun wala ba'y foul play ang kamatayon niini. (BANAT NEWS)