CEBU, Philippines - Mokabat sa 300 ka personnel sa Cebu City Transportation Office ang ipamutang sa kadalanan sa dakbayan atol sa kalag-kalag sunod semana.
Matud ni CCTO Executive Director, Atty. Rey Gealon, nga ipamutang kini sa mga intersections paingon sa dagku’ng sementeryo sama sa Cabantan, Lorega, Calamba, Talamban, Pardo, Labangon ug Queen City Garden.
Lakip sa ipakatap ang 50 ka engineering personnel ug mga de motor nga mga sakop nga moresponde sa mga traffic accidents.
Giklaro ni Gealon nga wala’y dalan nga isirado apan lauman sa mga motorista nga adunay re-routing.
Matud usab ni CCTO Traffic Operation head, Jonathan “Joy” Tumulak, nga wala’y tugutan nga mo-parking atubangan sa mga sementeryo base sa mando ni Mayor Michael Rama. (Sheriza Mae R. Uy/GMR)(BANAT NEWS)