_banat
^

Banat Balita

Davide-Magpale suportado sa Bakud

Brenda Batuto - Banat

CEBU, Philippines – Suportado gihapon sa pangulo sa Barug Alang sa Kalambuan ug Demokrasya (Bakud) Party, Danao City Mayor Ramon “Nito” Durano III sila si Gobernador Hilario Davide III ug Bise Gob. Agnes Magpale.

Kini bisan sa pagpadayag sa anak ni Durano nga si Kongresista Joseph Felix Mari “Ace” Durano nga mosuporta kang Senador Grace Poe ug Senador Francis “Chiz” Escudero kinsa magpapili’ng presidente ug bise presidente ubos sa Nationalist People’s Coalition.

Si Ace dili na magpapili sa pagka-kongresista ug siya na ang campaign manager ni Poe ug Escudero.

Gihulipan siya sa iya’ng igsuon nga si kanhi kongresista ug karon Bise Mayor Ramon “Red” Durano VI.

Gibutyag ni Davide nga si Nito padayon sa iya’ng commitment kanila ni Magpale.

Si Davide nga sakop sa LP mosuporta sa kandidatura ni Mar Roxas sa pagka-presidente ug Leni Robredo sa pagka-bise presidente.

Apan si Nito nangunsulta sa mga mayor sa ikalima’ng distrito nga kaalyado sa Bakud sa ila’ng baruganan. Si Magpale sa iya’ng bahin nibutyag nga sa nilabay’ng semana nibisita sa ila’ng balay si Nito, Red ug Ace ug nipasalig nga mosuporta sila ni Davide. - /GMR) (BANAT NEWS)

ACIRC AGNES MAGPALE BAKUD BARUG ALANG BISE GOB BISE MAYOR RAMON DANAO CITY MAYOR RAMON DURANO GOBERNADOR HILARIO DAVIDE KONGRESISTA JOSEPH FELIX MARI NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with