CEBU, Philippines – Usa ang patay human nagbangga ang duha ka motorsiklo sa Sitio Magtalisay, Barangay Mangat lungsod sa San Fernando.
Ang namatay naila nga si John Joseph Encabo, 17, nagpuyo sa maong barangay samtang ang drayber sa nakabangga nga motorsiklo naila nga si Juven Bastatas, 23, taga Pit-os, Lawaan, San Fernando.
Matud pa ni Police Officer 1 Fernando Mata ang desk officer sa San Fernando Police nga nahinabi sa Banat News nagsunod ang duha apan ang kang Encabo giguyod og laing motorsiklo kay naguba.
Gikatahong misuway og overtake si Bastatas apan nabanggaan hinuon niya si Encabo hinungdan sa pagkalamba niini sa kalsada nga nakaingon sa iyang kamatayon. – /EIM) (BANAT NEWS)