BRP Ramon Alcaraz nia sa Sugbo
Decemay P. Padilla (Banat) - January 21, 2015 - 12:00am

CEBU, Philippines – Ania karon sa Sugbo ang usa sa duha ka labing dako nga barkong panggubat sa Philippine Navy nga  apil sa nagbantay sa seguridad ni Pope Francis sa pagduaw niini sa Leyte niadtong Enero 17, adlaw’ng Sabado.

Ang Barko ng Republika ng Pilipinas Ramon Alcaraz PF16 naka-angkorahe sa kadagatan sa dakbayan sa Talisay sukad pa niadtong Domingo human sa misyon niini sa Leyte. Ang BRP Ramon Alcaraz mao ang kanhi Hamilton Class, Weather High-Endurance Cutter (WHEC) sa US Coast Guard nga ginganlan og USCGC Dallas ug gi-convert na karon nga Frigate sa Philippine Navy. Ang maong barko kauban ang lain usab nga WHEC nga mao ang BRP Gregorio del Pilar nadestino aron magbantay sa kadagatan sa West Philippine Sea nga diin dunay tensyon ang nasud ug sa China.

Si Navy Commander Juario Marayag ang hepe sa Naval Task Group Tulong Visayas (NTGTV) mibutyag nga ang BRP Alcaraz maoy usa sa giandam nga sakyan ni Pope Francis kun adunay nahitabong aberya sa Leyte.

Gani ang usa sa labing komportableng cabin sa maong barko ang giandam ug gitagana nga kapahuwayan sa Santo Papa. Ang BRP Ramon Alcaraz bisan sa dekada 60 pa kini nahimo, makonsiderar gihapon nga labing moderno itandi sa ubang mga barko sa Philippine Navy karon kun hisgutan ang iyang mga ekipo ug armas tungod kay computerized na kini ug remote controlled. Aduna kini 76 mm Oto Melara main gun  ug gikatakdang tauran og secondary guns nga Mod 2  Mk.38  25 mm Bushmaster Autocannons,  kaugalingong klinika, rigid-hull inflatable boat(RHIB), aduna usab dalang AW-109 Agusta Naval helicopter nga mahimong gamiton pag-airlift sa Santo Papa.

Ang maong barko nga may gitas-ong 115 metros ug gibug-atong dili momenus 3 mil ka tonelada mitabang  usab sa relief operation human sa bagyong Yolanda sa Eastern Visayas.

Ang maong barko adunay kapin usa ka gatos ka crew miapil sa KAKADU 2014 Multi-lateral Naval Exercises sa Australian Defense Force didto sa nasud sa Australia nga giapilan sa uban pang mga naval ships sa ubang mga nasud sugod niadtong Agosto 25 hangtud sa September 12, 2014. Ania karon sa Sugbo ang  BRP Alacaraz aron mag-refuel ug mag-resupply sa mga panginahanglanon sa crew sa dili pa kini mobalik sa iyang patrol station sa West Philippine Sea karong Huwebes. – /EIM) (BANAT NEWS)

AGUSTA NAVAL ANG BARKO ANIA LEYTE PHILIPPINE NAVY POPE FRANCIS RAMON ALCARAZ SANTO PAPA WEST PHILIPPINE SEA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with