CEBU, Philippines – Nabiktima sa mangingilad ang tulo ka ginang nga negosyante human wala maabot ang ilang gipahimo nga Automated Tubig Machine (ATM) sa dakbayan sa Toledo.
Ang mga biktima mao sila si Ruth Morales, 40-anyos, taga Luray Dos; Helen Abainza, 57, taga Poblacion ug Prima Dagala, 52, taga Bato, Toledo.
Matud sa mga biktima nga dugay na silang nagpahimo og ATM sa usa ka Kim Elsa Banto nga taga Poblacion, Toledo apan hangtud karon wala pa madawat sa mga biktima ang makina ug water dispenser. Gipatawag na sa barangay ang suspek apan wala mopatim-aw.
Mokabat sa P30 mil ang nabayad sa mga biktima ngadto sa suspek. – /GMR) (BANAT NEWS)