PWD office tukuron sa Toledo
CEBU, Philippines – Alang sa paghatag og importansiya sa mga persons with disability kun PWD sa dakbayan sa Toledo plano karon sa kagamhanan sa pagtukod og office for the person with disability affairs kun OPDA. Kini ang gihingusgan ni Toledo City Councilor Marjorie Perales aron aduna nay kaduolan nga buhatan nga mohatag usab sa nag-unang serbisyo sa siyudad labi na sa ilang serbisyong panglawas nga gikinahanglan.
Aduna usab igahin nga pundo ang kagamhanan alang sa maong katuyuan.
Hinuon wala pa gibutyag ni Perales kun pila ang pundo nga itagana niini alang sa katukuran sa maong buhatan. Nagkanayon usab si Perales nga aduna usab itudlo isip mangulo sa maong opisina.
Una niini nisumiter og resolusyon si Perales sa pagtukod sa OPDA diin giaprubahan usab kini sa mga kaubanang mga konsehal sa ikatulo ug katapusang pagbasa sa gipahigayong regular session sa konseho. - /EIM) (BANAT NEWS)
- Latest
