^

Banat Balita

Geonzon ST. sa Apas Public Road na

Brenda Batuto - Banat

CEBU, Philippines - Pormal na nga gideklarar sa konseho sa dakbayan sa Sugbo ang  W. Geonzon Street nga usa ka public road nga nahimutang sa Barangay Apas.

Si Konsehal Nestor Archival misuway unta pagbabag sa lakang sanglit wala’y gahum ang konseho sa pagdeklarar niini.

Ang maong luna nga gihimong karsada gipanag-iya sa Cebu Property Ventures and Development Corporation (CPVDC) nga nag-ugmad sa Cebu IT Park.

Apan dihang giduso ni Konsehal Sisinio Andales ang botasyon atol sa sesyon kagahapon, 12 ka konsehal ang pabor sa lakang ug ang nisupak sila lang si Archival ug Konsehal Mary Ann de los Santos samtang sila si Konsehal Nida Cabrera ug Lea Japson ang wala atol sa botasyon.

Sila si Konsehal Nendell Hanz Abella, Andales ug Alvin Dizon ang miduso sa maong resolusyon.

Tipik sa nahisgutang resolusyon nga ang Geonzon Street gigamit kini nga travel route sa mga public utility jeepneys paingon ug gikan sa Apas diin ang rota gilatid sa “Travel Line” ordinance sa dakbayan.

Ang Alliance of Barangay Apas Community Associations (ABACA) Inc. ug mga opisyal sa barangay unang niawhag sa pagdeklarar sa maong karsada nga public        road. Kini nunot sa hulga nga ang maong dalan sirad-an sa CPVDC. (BANAT NEWS)

ALVIN DIZON

ANG ALLIANCE OF BARANGAY APAS COMMUNITY ASSOCIATIONS

BARANGAY APAS

CEBU PROPERTY VENTURES AND DEVELOPMENT CORPORATION

GEONZON STREET

KONSEHAL MARY ANN

KONSEHAL NENDELL HANZ ABELLA

KONSEHAL NIDA CABRERA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with