CEBU, Philippines - Gipahibalo sa City Intelligence Branch (CIB) sa Cebu City Police Office ang tinuora’y nga pangalan ni alyas “Tambok,†ang kauban ni Manuel Richard Corominas alyas Pachoy nga nalambigit sa daghang krimen dinhi sa Sugbo.
Si Supt. Romeo Santander ang hepe sa CIB mitug-an nga usa ka Dante Baylosis ang tinood nga pangalan ni alyas “Tambok†ug nagpuyo sa A.Lopez, Labangon ning siyudad sa Sugbo nga padayon pa nga gipangita karon sa kapulisan.
Matud pa nga partner kanunay ni Pachoy si Baylosis, ang duha gidudahang mga gun for hires.
Kasong attempted murder ug robbery with physical injury ang gipasaka na sa korte batok kang Baylosis, Pachoy ug sa kauban nilang menor de edad.
Samtang gisusi karon sa kapolisan ang impormasyong gisugo sila si Pachoy aron patyon ang usa ka target sa Labangon apan si Teodorico Tolentino maoy ilang napatay, diha usab gibilin ni Pachoy ang mga gamit nga nakuha gikan kang Eleanor Rivera nga usa sa nabiktima sa ilang grupo sa milabay’ng semana aron kini maoy mapasanginlan. (BANAT NEWS)