Lapulapu nasikop

CEBU, Philippines - Nasikop sa kapolisan sa dakbayan sa Lapu-Lapu ang usa ka tribal leader kinsa wanted sa kasong frustrated homicide sa dakbayan sa Ormoc.

Ang nasikop mao si Sultan Ebrahim Butiador Lapulapu, 43, minyo nga kasamtangang nagpuyo sa St. Michael Village, Pajac, dakbayan sa Lapu-Lapu.

Ang warrant of arrest giluwatan ni MTCC 8th Judicial Region Judge Rene Romero Jr. niadtong Abril 22, 2014.

Gihimakak ni Lapulapu ang kaso ug mipasangil nga naalaan lang siyang responsable sa pagpaboto sa armas ni Datu Abubakar ug ang iyang pangalan ang gihatag ngadto sa mga awtoridad.

Wala hinoon mosukol si Lapulapu atol sa pagsikop sa kapolisan ug andam mopiyansa alang sa temporaryong kagawasan. (BANAT NEWS)